Mam Sherlock am Misterydall (weekend d’intégration)

Bass du ee Krimi-Fan, léis gäre mysteriéis Geheimnisser op oder hues einfach Loscht op Spaass mat Kollegen? Da bass du am Misterydall genau richteg! Hei erwaarden dech kniwweleg Rätselen, düster Geheimnisser, flott Spiller a virun allem eng flott Zäit.

Mell dech an deng Kollege séier un an erlief ee Wansinnsweekend als Detektiv.

Mir hunn op dëser Kolonie 5 Plaze fir Kanner mat Behënnerungen. Wann äert Kand eng Behënnerung huet, da schreiwt eis dat w.e.g. bei d’Umeldung dobäi. Dëst as wichteg, fir dass mir zesumme mat eisen Animateuren déi richteg Präparativen treffe fir ärem an deenen anere Kanner een optimalen Oflaf vun der Aktivitéit garantéiren ze kënnen. Zur Präparatioun gehéiert och een obligatorescht Gespréich virun der Kolonie tëscht Elteren a Responsabel, wou si d’Kand a seng Behënnerung besser kenneléieren. Déi lescht Decisioun ob d’Kand ka matgoen oder net, trëfft den SNJ a Récksprooch mat de Responsabel vun der Kolonie, well si d’Verantwortung hunn a mussen aschätze kënnen, ob si wärend der Kolonie fir dat Kand kënne korrekt suergen.